Йуй-те и жимачохь дуьйна

Шена чохь, малх лепарехь,

Итт шарахь бакъдериг хьуна

Чухудуш деллариг эхь?

Дуьххьара абат ахь йешнарг,

Латийнарг кхетаман суй,

Дуьненах хьо дуьххьар тешнарг,

Хиънариг хьуо адам дуй?

Аьллариг: уггаре хазниг

Стигла кIел вайн дуьне ду,

Дуьненан йоккхаха хазна

Лаьттара адам а ду!..

Дийцахьа, хIун ла ца делла,

ЦIеххьана таьIина хьо?

Йа, хилларш карла а девлла,

Йуха а дог ийжадо?