Артур Дойль – Прыгоды Шэрлака Холмса

«Прыгоды Шэрлака Холмса» – гэта першы зборнік апавяданняў пра знакамітага дэтэктыва, які быў апублікаваны ў 1892 годзе, пасля такіх твораў, як «Эцюд у пунсовым» (1887) і «Знак чатырох» (1890). У зборнік уваходзяць 12 апавяданняў, сярод якіх шмат вядомых і знакавых прац, напрыклад, «Скандал у Багеміі» і «Стракатая стужка», якія неаднаразова экранізаваліся і атрымалі новыя інтэрпрэтацыі. Хоць не ўсе гэтыя апавяданні прысвечаны сапраўдным злачынствам, зборнік ужо даўно заняў сваё месца ў залатым фондзе дэтэктыўнай літаратуры і адыграў важную ролю ў развіцці гэтага жанру.