Хастам бо ас хьуна

Дика ахь кхолларна,

И къасто ахь тхуна

Вондерг а гайтарна,

Ӏожалла дахаран

Дуьхьа ахь йаларна,

Дахар а хьайх ойла

Йайта ахь даларна,

Хьайн дуьне гайтарна тхуна,

Хастам бо, хастам бо Хьуна!

Хьайн нуьран неӀарш

Ахь тхуна йелларна,

Хьайна тӀе боьду некъ

Тхан дагна белларна –

Хастам бо, йо, Дела, Хьуна!

Хьайн йухь ган йиш йоцург,

Цхьанххьа а йист йоцург

Къайленех Хьайн кхиа

Адамийн ницкъ боцург,

Хастам бо, йо, Дела, Хьуна,