«Видех два ангела, вопрошающася, доколе скончание, яже нарече чудеса? Во время и во времени и в полвремене»[1211].

(Л. 10) В той же главе:

«От времене премену учащения дней 1290. Блажен терпяй и постигий во дни 1335»[1212].

В Деяниих апостолских во главе 17:

«Лета убо неведения презрев Бог, яже ныне повелевает человеком всем всюду покаятися, зане уставил есть День, воньже хощет судити вселенней в правду»[1213].

(Л. 11–12) …[1214]

(Л. 13)

Во Апокалипсии во главе 13:

«И стах на песце морстем, и видех зверя, восходящаго из моря, имуща седмь глав, и рогов десять, и на рогах его десять диадим, а на главах его имена хулы. И зверь, егоже видех, бе подобен рыси, и нози ему, яко медвежи, и уста его, яко уста лвова»[1215].

Андрей Кесарийский, Мефодий, Ипполит и инии зверя сего Антихриста истолковаша[1216].

(Л. 13 об.) У Даниила пророка во главе 7 пишет:

Сими звери знаменуются четыре монархии.

Первый, аки лвица, – Вавилонская монархия.

Вторый, аки медведица, – Персидская монархиа.

Третий – рысь или пардус – Эллино Греческая монархиа.

Четвертый зверь, десяторожный, – Римская монархиа[1217].