Atrubairt frīa druīd anísin .i. fri Becnia. Co n-ebairt in druí. ‘Cīa aird dogairet ind ēoin duit?’ ‘Anair’, ol Carpre. ‘Tucaid chucum crand as cach ḟid i nHērind’, ol in druí. Tucad īar sain crand as cach ḟid i nHērind don druīd ┐ forḟēmid dīchetal for nach aī díb. Co tucad crand a Fid Frosmuine dó. Coro dīchetal fair. Tūargaib int herus hísein uas ḟedaib Hērend coro asta na hēonu cen togairad Cairpri ō s˙ein illē.

‘Is ūasal int airerus’, ol in druí, ‘as airde oldás cech fid’. Conid desin asberar Irarus, ┐ forḟácbad dīa chomarbbu cech doraid fō mbeth nó fō mbetis flathi Hērend, acht co mblaistis ní dīa thorud Iraruis no ícfaitis a cēsta, ┐ cipīa no chathed rīa cungid neich fogēbad.

Ирарус, почему так назван?