Эгер – горад у паўночнай Венгрыі.

Крканош – міфічная істота, горны дух, які знаходзіцца ў Крканошскіх (Гіганцкіх) гарах.

Дукла – Дукельскі перавал у Карпатах, дзе ў першую сусветную вайну адбываліся вялікія баі, у час якіх увесь Дваццаць восьмы чэшскі пяхотны полк здаўся ў палон рускім.

Канціна – чайная пры воінскай часці, фабрыцы і г. д.

Машон (Машонмадзьяравар) – горад у Заходняй Венгрыі ва чыгуначным шляху ад Брукува-Лейце да станцыі Дзьер.

Paб – чыгуначная станцыя ва ўсход ад Будапешта.

Бітва ля Кустоцы. Кустоца – сяло ў Паўночнай Італіі. Тут аўстрыйцы пад камандаваннем фельдмаршала Радзецкага 26 ліпеня 1848 г. разбілі войска сардзінскага караля Карла Альберта, які пасля гэтага быў вымушаны пакінуць Ламбардыю. Фельдкурат прыбавіў гады Радзецкаму. Падчас бітвы ля Кустоцы Радзецкаму было 82, а не 84 гады.

Гарматны крыж… – У бітве ля Лейпцыга 16–19 кастрычніка 1813 г. Напалеон пацярпеў паражэнне. Гарматны крыж адлівалі з гармат, якія былі захоплены ў бітве ля Лейпцыга. Гэтым крыжам узнагароджвалі аўстрыйскіх воінаў за ўдзел у баях супраць Напалеона ў 1813 годзе.

Людвіг Гангофер (1855–1920) – нямецкі пісьменнік, аўтар мноства саладжавых раманаў пра каханне.

У часе войнаў за Сардынію і Савойю… у часе баксёрскага паўстання ў Кітаі. Размова ідзе пра войны за Сардынію і Савойю ў 1848–1849 гг., а таксама ў 1859–1861 гг.; баксёрскае паўстанне ў Кітаі – народнае антыімперыялістычнае паўстанне 1899–1901 гг., жорстка падаўленае аб’яднанымі сіламі васьмі дзяржаў.