– Дакъаза ма вала, хIай эла ва Мусост,

Да эла хилла хьан, нана сту хилла хьан,

Хьуо эла веца хьо, тхо Iaьржа нах деца.

Къа деца ва хьуна зударийн, ва берийн,

Эхь деца ва хьуна элашна ва йукъахь…

Амма хазац элана Мусостна къехойн дехарш, цо аралохку уьш шен гIалин кертара:

– Ас хир ду аьлларг ва хилла ма даьлла,

Ас хир дац аьллариг ца хилла ма даьлла,

Аш сиха схьалолаш тIехь йоцу ва йасакх!

ГIайгIане ийгира йуьртан тхьамданаш. Ойлане бевлира уьш, шайна орца лоьхуш. ТIаккха дагавеара царна тIехь да воцуш, ненаца кхиъна Адин жима Сурхо:

Дин дика ва беца цу Адин ва Сурхон,

Дог майра ва деца цу Адин ва Сурхон,

И Сурхо воьхур вай и винчу ва нене.

КIант веха бахара йуьртан тхьамданаш Сурхо винчу нене. Нанас жоп делира йуьртарчу тхьамданашна: