…потым страціў брата Яна Орта… – Эрцгерцаг Ян у 1889 г. адрокся ад свайго тытулу і прыняў прозвішча Орт. У 1890 г. прапаў без вестак.

…брата – мексіканскага імператара застрэлілі ў нейкай цытадэлі каля сцяны. – Эрцгерцаг Максімільян Габсбург, імператар Мексікі з 1863 па 1867 г. быў пасаджаны на трон французскімі інтэрвентамі. Потым узяты ў палон мексіканскімі рэспубліканцамі і расстраляны каля сцяны крэпасці Кверэтара.

…паказаў яму арла… – На значку агентаў тайнай паліцыі ў Аўстра-Венгрыі быў герб з двухгаловым арлом.

«Гэй, славяне». – ІІесня «Гэй, славяве, яшчэ наша славянская мова жыве» была складзена ў Празе ў 1834 г. славакам Сама Тамашыкам. У друку яна з’явілася ў Славакіі ў 1838 г., спявалася на матыў польскай мазуркі. Атрымала шырокае распаўсюджанне ў славян і лічылася гімнам славянскіх народаў.

«Нацыянальная палітыка», «сучка» – чэшская буржуазная газета, якая атрымала ў народзе іранічную мянушку «сучка».

…Ян Непамуцкі – чэшскі каталіцкі святы.

…пакуль яго не скінулі з Элішчынага моста… – Швейк памыляецца: Элішчын мост быў пабудаваны ў 1865–1867 гг., а Ян Непамуцкі, паводле падання, жыў у XIV ст.

«Тайсіг» – пражскі рэстаран.

Геверох (1869–1928) – вядомы чэшскі прафесар псіхіятрыі.

Калерсон і Уікінг – у медыцынскай літаратуры не сустракаюцца. Відаць, Гашак выдумаў гэтыя прозвішчы.