Апавяданне было ўпершыню надрукаванае ў жніўні 1891 году ў Strand Magazine.

Цыркуль і навугольнік – самы пазнавальны сімвал масонства.

Пабла дэ Сарасатэ (1844–1908) – іспанскі скрыпач і кампазітар, аўтар 54 твораў, напісаных выключна для скрыпкі.

Дэрбі – іпадромныя спаборніцтвы трохі чатырохгадовых скакавых коней.

Высвятленне асобы

Апавяданне было ўпершыню надрукаванае ў верасні 1891 году ў Strand Magazine.

«…у какетлівай манеры герцагіні Дэваншырскай…» – Джарджыяна Кавендыш, герцагіня Дэваншырская (1757–1806), славілася як заканадаўца модаў, пазіравала ангельскім мастакам і была цэнтрам свецкага і культурнага жыцця Англіі.

Альбертаўскі ланцужок – ланцужок для гадзінніка, канец якога запраўляўся ў зашпіленую прарэшку камізэлькі. Названы ў гонар прынца Альберта (1819–1861). Існавалі т. зв. «адзіночны Альберт» і «двайны Альберт»; у другім выпадку ланцужок запраўляўся ў выглядзе перавернутай літары «Т», у адной кішэні – гадзіннік, у другой – канец ланцужка.

Харыскі цвід – высакаякасны цвід ручной вытворчасці, які вырабляецца на востраве Харыс (Гебрыды).