Жорж Леапольд Кюўе (1769–1832) – французскі даследчык прыроды. Лічыцца заснавальнікам параўнальнай анатоміі і палеанталогіі. Быў сябрам Французскага геаграфічнага таварыства.

Рэгістры Лойда – найвялікшае класіфікацыйнае таварыства, добраахвотная асацыяцыя суднаўладальнікаў, суднабудаўнічых фірмаў і страхавых кампаніяў, заснаванае ў Вялікабрытаніі ў 1760 годзе. Тут: рэгістравыя кнігі гэтага таварыства.

Докі Альберта, ці докі РоялАльберт – докі ў партова-прамысловай зоне Лондана на ўсходзе і паўднёвым усходзе горада (неафіцыйная назва ўсяго раёна – Доклэндс) па абодва берагі Тэмзы. Докі Альберта пабудаваныя ў 1880 годзе.

Стывідор – партовы грузчык.

Ахтэрштэвень – задні край карабля ў выглядзе жорсткай бэлькі ці рамы, на якой вертыкальна замыкаюцца кіль, борт, абшыўка і набор, а таксама падвешанае стырно судна.

Чалавек з выкручанай губой

Апавяданне было ўпершыню надрукаванае ў снежні 1891 году ў Strand Magazine.

«Ці мне адправіць Джэймса спаць?..» – імя доктара Ўотсана згадваецца ў цыкле пра Шэрлака Холмса ўсяго тройчы. У аповесці «Эцюд у пунсовым» і ў апавяданні «Загадка Торскага моста» даецца такое імя доктара: «Джон Х. Ўотсан». Існуе версія, што ў дадзеным апавяданні Мэры называе доктара другім імем. У такім разе ініцыял «Х.» можа значыць «Хэміш» – гэта варыянт ангельскага імені Джэймс у шатландскай гэльскай. Аднак сам аўтар гэты ініцыял нідзе не расшыфроўвае.